🔬 كيف يعدّ «وضع المشي» الخطوات؟

كل جوال فيه حسّاس اسمه Accelerometer يقيس اهتزاز الجوال. لما تمشين، كل خطوة تسوي «قمة» صغيرة في الاهتزاز. الموقع:

1. يقرأ الحساس عشرات المرات في الثانية.
2. ينعّم الإشارة ويشيل تأثير الجاذبية.
3. يعدّ القمم اللي بينها وقت طبيعي للخطوة (ربع ثانية إلى ثانيتين).
4. ما يعتمد العدّ إلا بعد ٤ خطوات منتظمة، عشان هز الجوال ما ينحسب.

لازم الصفحة تكون مفتوحة والشاشة شغالة، وهذا لأن المتصفحات ما تسمح للمواقع تقرأ الحساس في الخلفية.

⚖️ قواعد اللعب النظيف

• سجّلي مجموع اليوم. لو عدّلتي نفس اليوم، الرقم الجديد يحل محل القديم.
• تقدرين تسجلين لليوم وآخر 2 أيام فقط.
• أي رقم فوق 25,000 خطوة يتراجع من الإدارة، فأرفقي صورة من تطبيق الصحة.
• وضع المشي يرفض السرعات غير الطبيعية تلقائيًا.
• لو استخدمتي وضع المشي وبعدين كتبتي مجموع اليوم من التطبيق، الرقم اليدوي يحل محل المجموع، فما تنحسب الخطوات مرتين.